Siglir tar il cuntegn

Header

cuntegn

Exteriur Columbia: Uffants en servetsch da la FARC turnan a chasa

Quai han las partidas da conflict communitgà a Havanna. Il president columbian discurra dad ina cunvegna istorica.

En la Columbia duain uffants en servetsch da la FARC bandunar ils champs dals rebels da sanestra. Quai han decis ils delegads da la regenza e da la FARC als discurs da pasch a Havanna en Cuba.

Ils uffants duain far ina scolaziun e vegnir reunids cun lur famiglias, sco i ha num en ina decleranza communabla. Commembers da la FARC sut 14 onns restan per consequenza liber da chasti. Guerilleros tranter 14 e 18 onns duajan vegnir declerads libers da la renfatscha da rebelliun.

Il president columbian Juan Manuel Santos ha discurrì dad ina cunvegna istorica. Tenor il minister da l'intern Juan Fernando Cristo duai dar in referendum davart la cunvegna da pasch planisada fin il settember 2016.

Dapi la fin dal 2012 negozieschan la regenza ed ils rebels davart ina fin dal conflict che dura dapi decennis. El ha chaschunà radund 260'000 unfrendas e chatschà davent 6,6 milliuns umans.

RR novitads 06:00

Artitgels legids il pli savens