Commemoraziun per Michael Brown

A Ferguson en ils Stadis Unids èn tschients da persunas sa regurdadas dal giuven afroamerican ch'era vegnì mazzà avant in onn d’in policist alv.

Persunas cun placats sa rimnan sin ina via. Bild in Lightbox öffnen.

Legenda da maletgs: La glieud sa rimna a Ferguson per sa regurdar da Michael Brown ch’è vegnì mazzà avant in onn. Keystone

Al cumenzament dal marsch da commemoraziun han las persunas taschì durant 4 minutas e mez. Uschia èn ellas sa regurdadas simbolicamain vid las 4 uras e mez ch'il teenager Michael Brown era giaschì sin via suenter sia mort.

Puspè cravals

Suenter il marsch da commemoraziun hai dà cravals. Tenor rapports da perditgas è almain ina persuna vegnida blessada tar sajettims. La polizia ha confermà la sajettada via twitter.

Ulteriuras acziuns

Curt avant la commemoraziun aveva in policist american danovamain sajettà giu in afroamerican che n'era betg armà. Per oz han pliras gruppaziuns appellà ad in di da la malobedientscha civila.

RR Novitads 07:00