Exteriur - Commerzi mundial: Nagina cunvegna per la runda da Doha
Ils passa 160 stadis commembers da l'Organisaziun mundiala da commerzi (WTO) n'han betg chattà ina posiziun cuminaivla davart l'agenda da Doha a Nairobi. Ina da las raschuns èn las posiziuns oppostas tranter ils stadis industrials ed ils pajais en svilup.
Il directur general da la WTO discurra tuttina dad in success. I saja stà pussibel da chattar pliras cunvegnas che van surtut a favur dals pajais ils pli povers. Ils commembers da la WTO avevan decidì l'agenda da Doha l'onn 2001. La finamira era da liberalisar il commerzi mundial e da promover ils pajais en svilup.