L'emprim'emna dal fanadur èn passa 1'300 persunas arrivadas illegalmain en il Tessin e bun dus terzs d'ellas han stuì turnar directamain enavos en l'Italia.
Quai sentia cunzunt la citad da cunfin Como, uschia il directur da la Caritas Como. Là vegnian las capacitads en ils indrizs da retschaviment adina pli al limit. Tschients fugitivs spetgian en ed enturn la staziun da Como, ils ins refusads dal cunfin svizzer ed ils auters che sperian da vegnir vinavant vers nord.
RR novitads 11:00
