La dretgira da cumpromiss internaziunala a Washington haja refusà il plant dal concern en tut ils puncts, ha declerà il schef dal stadi da l'Uruguay Tabaré Vasquez. El ha appellà a la communitad da suandar l'exempel e da betg sa laschar tementar dals concerns en il cumbat cunter ils donns dal firmar. Philip Morris ha declerà ch'ins acceptia la decisiun.
Leschas da tubac severas
En l’Uruguay è il fimar scumandà en restaurants ed en blers bajetgs, plinavant vala in scumond da far reclama, ils pachets da cigarettas èn cuverts cun maletgs d’avertiment drastics e cigarettas na dastgas er betg vegnir vendidas sco «lights». Questas mesiras na leva Philip Morris betg acceptar ed ha perquai purtà plant cunter il pajais sid-americna.
Quest plant aveva er dà da discutar en Svizra cunquai ch’el sa basa sin la cunvegna da protecziun d’investiziun tranter la Svizra e l’Uruguay.
RR novitads 06:00