Els laschian far in studi da realisabladad, han communitgà la gievgia il Comité olimpic austriac e la regenza dal Tirol. I saja imaginabel ch’els candideschian, ed el vesia ina gronda schanza per ils proxims decennis sch’els s'inschignain endretg, ha ditg il president da la regenza tirolaisa Günther Platter.
Ina emprima decisiun duai dar en tschintg u sis mais,cura ch’il studi duess esser avant maun. Schebain er il pievel ha in pled en chapitel han ils responsabels laschà liber per entant.
Per il 2026 examinescha era la Svizra ina candidatura. Dasper il project grischun s’interessescha era ina part da la Svizra franzosa per il gieus olimpics d’enviern 2026, e lura datti anc dus projects surregiunals.
RR novitads 15:00