L'anteriur minister d'economia da la Frantscha - il socialist Arnaud Montebourg - ha annunzià sia candidatura per las proximas elecziuns presidialas l'auter onn 2017.
Sco Montebourg ha ditg a Paris saja quai nunpussaivel da sustegnair il president actual François Hollande. Montebourg fa part da l'ala sanestra dal Parti Socialiste. Hollande vul decider pir la fin da l'onn sch'el candidescha anc ina giada per il presidi franzos.