La Liga araba pretenda ch'i saja necessari da reviver il process da pasch tranter las varts israelianas e palestinaisas. Plinavant averteschan ils 22 ministers da l'exteriur d'in ulteriur pegiurament dal conflict. Els pretendan in stop immediat da las attatgas israelianas sin la Strivla da Gaza. Uschiglio dettia consequenzas umanitaras «catastrofalas».
Tar lur inscunter d'urgenza a Kairo han ils ministers da l'exteriur discutà l'actuala escalaziun dal conflict. I stoppia dar discurs cun l'Israel e l'organisaziun da liberaziun palestinaisa (PLO) che saja la suletta e legitima represchentanta dals Palestinais.