Siglir tar il cuntegn

Header

cuntegn

Confusiun suenter intervista Biden ha ditg che l'USA intervegniss militarmain a Taiwan

En in’intervista cun l’emettur CBS ha il president ditg ch’ils Stadis Unids defendessan il Taiwan a moda militara sche la China attatgass l'insla. Tenor l’emettur ha la Chas’alva silsuenter relativà quai. Concret na saja la tenuta dals Stadis Unids pertutgant il Taiwan betg sa midada. Dentant na communitgeschian els betg ordavant, sch’els intervegnissan direct militarmain en cas d’in’attatga chinaisa.

Las dispitas per l'independenza dal Taiwan

La China vesa Taiwan sco part da lur agen pajais, e n'accepta betg la regenza dal Taiwan. La regenza chinaisa vul a lunga vista puspè integrar il pajais. Ils Stadis Unids dentant sustegnan il Taiwan sco stadi independent.

Gia suenter la visita da Nancy Pelosi, la pledadra dals democrats en la chasa da representants, hai dà svaris diplomatics tranter la China ed ils Stadis Unids. L'USA intervignia en affars da la politica interna da la China.

Candidescha Biden anc ina giada?

En la medema intervista ha Biden declerà ch’i saja anc memia baud da decider, sch’el candideschia il 2024 per in’ulteriura perioda d’uffizi. Biden è cun 76 onns il pli vegl president en l'istorgia dals Stadis Unids.

audio
RTR novitads da las 11:00
ord RTR Audio dals 19.09.2022.
laschar ir. Durada: 2 minutas 56 Secundas.

RTR novitads 11:00

Artitgels legids il pli savens

Scrollar a sanestra Scrollar a dretga