Siglir tar il cuntegn

Header

Navigaziun

Bastiment.
Legenda: Bastiments en il Congo èn savens surchargiads. Keystone
cuntegn

Exteriur Congo: 150 sparids suenter ch'in bastiment è sfundrà

Sin il lai Kivu en l'ost dal Congo è sfundrà in bastiment. Dals 200 passagiers valan var 150 sco sparids. 40 hajan pudì vegnir salvads, almain trais persunas sajan mortas. Quai ha il president da la Republica Democratica dal Congo Félix-Antoine Tshisekedi communitgà via Twitter.

Il bastiment saja stà surchargià e l'aura eria nauscha. Tenor l'agentura da novitads tudestga era la bartga dentant veglia ed ils passagiers n'hajan gì naginas giaccas da salvament.

Sin ils lais e flums da la Republica Democratica dal Congo datti adina puspè accidents. Perquai che las vias èn nauschas vegn transportà bler sur l'aua. Las reglas da segirezza vegnan però savens surpassadas.

RR novitads 06:00