Las partidas da l'opposiziun sanestra han en la summa passa la mesadad dals sezs en il parlament. Questas partidas cumbattan la politica da sanaziun e la politica da spargn.
Coaliziun center-dretg perda passa 10% da las vuschs
La constellaziun en il parlament saja bain ina sfida, ha ditg il primminister Coelho a Lissabon. El saja però pront da furmar ina nova regenza. Avant 4 onns avevan ils conservativs anc survegnì radund 50% da las vuschs, quest onn dentant 38,6%.
RR novitads 06:00
