Siglir tar il cuntegn

Header

cuntegn

Exteriur Conservativs perdan maioritad en Spagna

A las elecziuns dal parlament en Spagna han las pitschnas partidas sco per exempel il moviment da protest Podemos fatg buns resultads. Quai ha per consequenza ch’i dat diras contractivas da coaliziun damai che nagina partida ha cuntanschì la maioritad absoluta.

La partida dal primminister Mariano Rajoy ha bain gudagnà las elecziuns cun 29% da las vuschs, ella ha dentant pers 16% en cumparegliaziun cun las ultimas elecziuns avant quatter onns. Quai ha per consequenza ch’ella, la partida dals conservativs, sto tschertgar ussa in partenari da coaliziun.

Emprima giada dapi Franco

Igl è l’emprima giada suenter la fin da la dictatura da Franco avant 40 onns che ni ils conservativs ni ils socialists han ina maioritad absoluta en il parlament spagnol.

La segund ferma partida è quella dals socialists. Da nov en il parlament èn il moviment sanester Podemos e la partida Ciudadanos che s'engascha per l'economia. La participaziun a las elecziuns è stada tar 73,2%.

RR novitads 06:00

Artitgels legids il pli savens