Siglir tar il cuntegn

Header

cuntegn

Controlla da finanzas da l'UE A partir d'avus duai Grezia puspè esser independenta

A partir da l’avust pudess la Grezia puspè esser finanzialmain independenta. Per l’emprima giada dapi la crisa da debits avant 12 onns na duai il pajais betg pli vegnir surveglià pli ferm da la cumissiun da l’UE. Ils ministers da las finanzas e da l’economia dals pajais da la zona da l’euro èn s’exprimids en favur da la proposta da la cumissiun da l’UE da betg prolungar la regla existenta. La Grezia haja realisà la gronda part da las refurmas – uschia l'argumentaziun.

Dapi il 2010 ha il pajais patì d'ina greva crisa da finanzas ed ha perquai stuì realisar mesiras da spargn fitg severas. Dapi il 2018 stat Athen puspè pli e pli bain sin atgnas chommas. Entant saja il plaschair grond che l'UE na vul betg prolungar las mesiras a partir da l'avust. La cumissiun da l'UE sto bain anc approvar quai, qua sa tracti dentant be pli d'ina formalitad.

Ses pajais na saja uschia betg pli la nursa naira da l'Europa, ha il schef da regenza Kyriakos Mitsotakis commentà l'annunzia da la Gruppa d'Europa. La Grezia haja surmuntà las restricziuns dal chapital ed haja pajà tut ils ultims credits tar il Fond monetar internaziunal.

Er il minister da finanzas ha discurrì d'in di istoric. La decisiun tegnia per degn las grondas unfrendas che la societad grecca haja stuì far ils ultims 12 onns.

RTR novitads 06:00

Artitgels legids il pli savens

Scrollar a sanestra Scrollar a dretga