Siglir tar il cuntegn

Header

Geolog giapunais vid analisar in terratrembel.
Legenda: Il schaner avevan ils geologs giapunais qualifitgà gia baud sumegliants terratrembels sco test nuclear. Reuters
cuntegn

Exteriur Corea dal Nord conferma test nuclear

La Corea dal Nord ha fatg oz venderdi, ils 09.09. in 5avel test nuclear. Quai rapporta l'agentura da novitads sid-coreana Yonhap.

En la regiun enconuschent territori da test Pyunggye-Ri ha l’observatori da terratrembel american mesirà ina stremblida da 5,3. Questa fermezza ed il lieu sajan indizis d’ina explosiun nucleara, uschia la regenza sid-coreana. Seoul ha convocà il Cussegl naziunal da segirezza. Il militar ha organisà in stab da crisas.

China appellescha a prudientscha

Suenter il 5avel test nuclear da la Corea dal Nord ha la China appellà a la communitad da stadis dad esser prudenta. Nagin, era la Corea dal Nord betg, possia avair in interess vi da caos u guerra sin la peninsla coreana. Quai ha rapportà l'agentura da novitads statala Xinhua. Il test na saja betg sabi. Ma era la Corea dal Sid haja donnegià ferm l'equiliber strategic en la regiun. Quai cun staziunar là il sistem per la defensiun cunter rachetas american Thaad. La regenza a Peking è l'allià il pli impurtant da la Corea dal Nord.

RR novitads 06:00

sda/aw

Artitgels legì il pli savens

Nach links scrollen Nach rechts scrollen