Siglir tar il cuntegn
cuntegn

Exteriur Corea dal Nord è vinavanrt pronta per discurs

Er suenter che Donald Turmp ha ditg giu l'inscunter cun Kim Jong Un è la Corea dal Nord pronta da discutar cun ils Stadis Unids.

Kim Jong Un e Donald Trump a la televisiun en la Corea dal Sid.
Legenda: Er sche Donald Trump na vul tuttina betg s'inscuntrar cun Kim Jong Un è la Corea dal Nord pronta per discurs. Keystone

La renunzia da s’inscuntrar saja vegnida nunspetgadamain e ses pajais deploreschia fitg la decisiun, ha declerà il vice-minister da l'exteriur nordcorean. Els sajan dentant vinavant pronts da manar discurs cun ils Stadis Unids, quai da tut temp ed en tuttas furmas pussaivlas, uschia citescha ina agentura da novitads sidcoreana il vice-minister da l'exteriur nordcorean.

Era la Corea dal Sid lavura tenor atgnas indicaziuns communabel cun ils stadis Unids londervi da tuttina anc pussibilitar discurs tranter ils Stadis Unids e la Corea dal nord. Il president sidcorean Moon Jae-in era s’engaschà ferm per quest inscunter. El deplorescha la decisiun ed era il secretari general da las Naziuns Unidas, Antonio Guterres deplorescha la decisiun ed appellescha da cuntinuar cun il dialog.
Trump aveva gievgia saira, en ina brev uffiziala, desditg ils discurs planisads a Singapur cun Kim Jong Un. El rinfatscha a la Corea dal Nord d’esser responsabla per questa disditga.

RR novitads 06.00