Siglir tar il cuntegn

Header

cuntegn

Exteriur Corea dal Nord festegia ses fundatur Kim Il Sung

La Corea dal Nord festivescha il 105avel anniversari da ses fundatur Kim Il Sung. I sa tracta dal pli aut firà dal pajais e vegn numnà “Di dal sulegl”.

Cun ina gronda parada en il center da la chapitala da Pjöngjang sa regorda il pievel dal dictatur ch’è mort avant 23 onns. Tranter ils aspectaturs è er ses biadi e schef da stadi actual Kim Yong Un. Quai rapportan las medias statalas da la Corea dal Nord.

Situaziun politica enturn la Corea dal Nord è tendida

La situaziun politica enturn la Corea dal Nord e la Peninsla Coreana è vinavant tendida. La Russia ha reagì sin las tensiuns che prendan tiers tranter ils Stadis Unids e la Corea dal Nord ed ha appellà d'esser prudent. In pledader dal president russ Wladimir Putin ha ditg che la Russia observia l'escalaziun da pleds cun grond quità ed ha avertì da pass provocativs.

Russia e China averteschan da betg ristgar in conflict

Avant aveva gia la China avertì dal ristg ch'in conflict pudessia rumper ora da tut temp.Ils Stadis Unids spetgan in nov test nuclear da la Corea dal nord il proxim temp. Ed els han annunzià da ponderar ina pussaivla reacziun militara.

RR novitads 09:00

Artitgels legids il pli savens