La Corea dal Nord ha preschentà ina gronda racheta intercontinentala che n'era fin uss betg enconuschenta. Experts supponan ch'ella pudess cuntanscher destinaziuns lontanas fin 12'800 kilometers. La parada militara ch'a gì lieu da notg ha commemorà la fundaziun da la partida communistica avant 75 onns.
Durant la parada ha il dictatur Kim Jong Un annunzià che ses pajais vegnia a cuntinuar da rinforzar sia capacitad da defensiun. Plinavant è Kim s'exculpà tar la populaziun da la Corea dal Nord per las cundiziuns da viver difficilas en il pajais. El stettia mal ch'el n'haja betg pudì dar enavos la gronda confidanza dal pievel.