Siglir tar il cuntegn

Header

cuntegn

Exteriur Corea dal Nord mobilisescha las armas atomaras

En la Corea dal Nord ha il dictatur Kim Jong Un ordinà da far pront las armas atomaras per in’acziun immediata, quai rapporta l'agentura da novitads statala.

La situaziun actuala sin la peninsla Coreana saja vegnida fitg privlusa, uschia ch'il pajais stoppia midar sia strategia militara, hai num vinavant. Il militar nordcorean sa preparia sin attatgas da prevenziun.

Ils proxims dis cumenzan ils Stadis Unids e la Corea dal Sid cun lur manevras annualas. 10’000 da schuldads duain sa participar a quellas. La Corea dal Nord vesa quai sco ina provocaziun.

Pjöngjang provochescha vinavant

Pir la mesemna aveva il cussegl da segirezza da l’ONU approvà ina resoluziun che rinforza a moda drastica las sancziuns cunter il reschim a Pjöngjang. Curt suenter aveva il pajais danovamain provocà cun sajettar rachetas a curta distanza en la mar.

RR novitads 08:00

Artitgels legids il pli savens