La Corea dal Nord smanatscha als Stadis Unids cun in’attatga da rachetas. L’armada pondereschia seriusamain d’attatgar l’insla Guam en il Pacific. Quai rapporta l’agentura da novitads statala da la Corea dal Nord. Quai possia capitar da tut temp, sch’il schef da stadi Kim Jong Un dettia il cumond.
Curt avant aveva il president Donald Trump avertì il pajais da vinavant provocar ils Stadis Unids. Uschiglio suondia ina resposta resoluta dals Americans.
Tenor in rapport da la gasetta «Washington Post» fetschia il program atomar da la Corea dal Nord grond progress.
RR novitads 06:00