Siglir tar il cuntegn

Header

Il schef dal reschim nordcorean Kim Jong Un.
Legenda: Il schef dal reschim nordcorean Kim Jong Un. Keystone
cuntegn

Exteriur Corea dal Nord provochescha vinavant

Curt suenter che las sancziuns cunter la Corea dal Nord èn vegnidas rinforzadas a moda drastica, ha il pajais sajettà pliras rachetas a curta distanza, communitgescha il ministeri da defensiun sidcorean.

Las rachetas sajan detunadas en la mar avant la costa da l’ost. Ordavant aveva il cussegl da segirezza da las Naziuns Unidas decis las pli severas sancziuns insumma.

Export è limità massivamain

Cun las vuschs da la China e la Russia ha il gremi tranter auter decis da limitar massivamain l’export per il pajais. Uschia na dastga per exempel betg pli vegnir cumprà charvun, fier u aur da la Corea dal Nord. Al pajais na dastga betg pli vegnir furnì carburant per aviuns u per rachetas.

Ils 6 da schaner aveva il pajais communist annunzià ses quart tests cun armas atomaras dapi il 2006. In mais pli tard aveva Piöngjang communitgà d’avair sajettà ina racheta ballistica. Tut quai cuntrafa a las resoluziuns da l’ONU.

RR novitads 06:00

sda/cs

Artitgels legì il pli savens

Nach links scrollen Nach rechts scrollen