Siglir tar il cuntegn

Exteriur Corea dal Nord smanatscha cun guerra

La Corea dal Nord smanatscha als Stadis Unids da l’America cun in'attatga «senza misericordia». Quai sco reacziun sin manevras militars planisads communabel cun la Corea dal Sid.

Il dictatur nordcorean Kim Jong Un e ses gidanters.
Legenda: Il dictatur nordcorean Kim Jong Un e ses gidanters. Keystone

In porta aviuns dals Stadis Unids sa chattan en la regiun per pudair sa participar a exercizis militars planisads cun la Corea dal Sid.

Las agenturas da novitads da la Corea dal Nord rapportan d’ina acziun senza respect e da preparativas per attatgar la Corea dal Nord.

Sche ils Stadis Unids rumpan en ina furma u l’autra la suveranitad e la dignitad da la Corea dal Nord alura vegnia l’armada nordcoreana ad attatgar cun pliras attatgas coordinadas.

Gia l’emna passada eran plirs aviuns sgulads datiers dal cunfin cun la Corea dal Nord, rapportan las agenturas da novitads nordcoreanas. Las manevras militaras vegnan taxadas sco preparaziun da guerra davart la Corea dal Nord. Sco reacziun aveva la Corea dal Nord sajettà quatter rachettas en la mar avant la costa dal Giapun.

Il minister d’exteriur american Rex Tillerson vegn spetgà il venderdi tar sia emprima visita en la Corea dal Sid.

RR novitads 08:00