Siglir tar il cuntegn

Header

audio
Il coiffeur engiadinais raquinta co la situaziun actuala cun il coronavirus è a Kapstadt.
Or da Actualitad dals 18.05.2020.
laschar ir. Durada: 03:00 minutas.
cuntegn

Corona en l’Africa dal Sid Reto Camichel: «Las 21:00 fin las 06:00 è lockdown total!»

Entant che nus en Svizra main pass per pass puspè en direcziun d’in mintgadi usità è l’Africa dal Sid anc lunsch davent da quai. Il coiffeur Reto Camichel raquinta co la situaziun actuala è a Kapstadt.

Bellezza aura, massa turists, intgins vid far surfing, auters van cun velo e puspè auters schain sper la mar. A Kapstadt era stagiun auta cu il coronavirus ha procurà per il lockdown da la citad. Uss, trais mais pli tard, para ì sco dad esser mort ora, di l’engiadinais.

L’atmosfera è fitg curiusa. Nagin è ordadora, in zichel sco ina ‘ghost town’, ina citad-fantom.
Autur: Reto Camichelcoiffeur e stylist da make-up e chavels

Lockdown total

Fin avant in’emna valeva il lockdown total en la citad. Uss è la regenza ida davent il stadi 5 sin il stadi 4. Quai munta ch’ils abitants dastgan ir ordadora a spass u far sport davent da las 06:00 a bun’ura fin la saira da las 21:00, declera Reto Camichel.

Era ses saloon da coiffeur n’astga el betg avrir. Quai è ina situaziun finanziala catastrofala, di l’um da 50 onns. Ils daners ch’ins haja mess da la vart sajan uss era davent.

Silmains dastga el uss puspè vender products. Ma quai fetschia ora 10% da ses gudogn, sche insumma.

La clienta sa dir tge ch’ella vul. Lura met jau ils products en ina tastga e lasch ir els cun ina corda giu dil balcun sin il passape nua che la clienta spetga.
Autur: Reto Camichelabita dapi 30 onns en l'Africa dal Sid

Dapi 30 onns abita Reto Camichel uss en l’Africa dal Sid cun sia dunna e sias duas figlias. El giauda uss il temps cun sia famiglia sco era per sasez cun far joga e meditar. Quai sajan ils puncts positivs vid la situaziun actuala.

Speranza sin in meglier avegnir

Reto Camichel spera che quella pandemia saja stà ina lecziun per ils carstgauns. El ha la speranza che nus vivian suenter pli conscient e schazegiain las pitschnas chaussas pli fitg.

RTR actualitad 07:00

Artitgels legids il pli savens

Scrollar a sanestra Scrollar a dretga