Siglir tar il cuntegn

Header

video
Infecziuns ad Ischgl: turists pretendan indemnisaziun
Or da Tagesschau dals 23.09.2020.
laschar ir
cuntegn

Corona-hotspot Ischgl Inoltrà plant d'indemnisaziun cunter l'Austria

Cunter las autoritads austriacas èn vegnids inoltrads quatter plants d'indemisaziun perquai ch'il coronavirus è rut ora il mars passà ad Ischgl. La protecziun da consuments renfatscha a la regenza in grev desdir.

Hotspot Ischgl

Ischgl cun sias bars dad après-ski vala sco hotspot per la derasaziun dal virus en l'Austria ed en parts da l'Europa. Tenor las autoritads da l'Austria eran quai temporarmain 40% da tut ils cas en l'intern dal pajais. Era blers turists da la Germania s'han infectà là. Emprims indizis avevi gia dà ils 5 da mars. Pir ils 13 da mars era vegnì proclamà ina quarantina per Ischgl.

6'000 persunas da 45 pajais

I hajan s'annunzià dapli che 6'000 persunas da 45 pajais che s'hajan, tenor atgnas indicaziuns, s'infectadas ad Ischgl. I sa tracta qua era da 32 mortoris. En 1'000 cas haja l'uniun il mandat da purtar plant. Tar ils emprims quatter cas sajan trais persunas da la Germania ed ina persuna da l'Austria che saja morta dal Covid-19 suenter sias vacanzas da skis l'avrigl. Las trais autras persunas sajan stadas ferm pertutgadas e possian avair in donn permanent.

RTR novitads 18:00

Artitgels legids il pli savens

Scrollar a sanestra Scrollar a dretga