Il vaccin da la firma americana Moderna para da proteger era cunter las novas variantas dal coronavirus. Quai mussa in studi da Moderna, che n’è però anc betg vegnì examinà dad instanzas independentas.
Tenor Moderna protegia il vaccin uschè bain cunter la versiun britannica sco cunter l’emprima varianta dal virus. Areguard la mutaziun sidafricana protegia il vaccin pli pauc, dentant anc adina avunda, uschia Moderna. La Confederaziun ha empustà 7,5 milliuns dosas da vaccin da Moderna.
audio
Per tadlar: las novitads da las 17:00
ord RTR Audio dals 25.01.2021.
laschar ir. Durada: 5 minutas 1 Secunda.