En in'intervista cun l'agentura da novitads tudestga, ha il secretari general da la Nato, Jens Stoltenberg ditg, che corona saja bain in virus d'origin natiral, ma el mussia tuttina tge privels ch'i dat en connex cun il diever d'armas biologicas. Talas armas sajan dentant scumandadas, ma i dettia tuttina anc ellas. Perquai stoppian ins esser pront da reagir sin in tal cas.
La Nato haja truppas che sajan spezialisadas sin la defensiun entras talas armas biologicas. Ma las abilitads da la Nato en la defensiun encunter talas armas stoppia vegnir rinforzada. Uschia per exempel entras il barat d'infurmaziuns da servetschs secrets. Quai duaja gidar d'impedir attatgas.