Il guvernatur da la California, Gavin Newsom, ha ordinà mesiras pli severas cunter la pandemia da corona. En tut ils districts dal pli grond stadi federativ american vegnian las bars ed ils kinos puspè serrads. Restaurants dastgan be servir lur giasts en il liber e betg en locals serrads. Districts che sajan fitg pertutgads, stoppian plinavant serrar centers da cumpra, baselgias, studios da fitness e saluns da coiffeur.
L’ultim temp è il dumber da novas infecziuns e da mortoris s’augmentà marcantamain. En la California vivan radund 40 milliuns persunas, da quai èn passa 320'000 s’infectads cun il virus.
audio
Las novitads da las 06:00
ord Novitads dals 14.07.2020.
Maletg: RTR
laschar ir. Durada: 5 minutas 28 Secundas.