Siglir tar il cuntegn

Header

cuntegn

Coronavirus Milaun sto serrar crematori

En l'Italia sto la citad da Milaun serrar ses pli grond crematori fin la fin d'avrigl. Pervi da la pandemia è quel surchargià.

Il cussegl da citad da Milaun ha communitgà che la serrada saja necessaria, perquai che uschè bleras baras n'hajan anc betg pudì vegnir cremadas. Il temp da spetga muntia entant a 20 dis. In pli lung temp na saja per raschuns d'igiena betg responsabel.

A partir dad oz pon famiglias perquai sepulir gratuitamain lur confamigliars.

La Lumbardia cun la chapitala Milaun è la regiun la pli ferm pertutgada dal coronavirus en l'Italia. Dapi ils 21 da favrer èn bunamain 8'000 persunas mortas en la regiun pervi dal coronavirus. Quai è dapli che la mesadad da tut ils mortoris en l'entir pajais pervi da la pandemia.

RTR novitads 08:00

Artitgels legids il pli savens

Ir a sanester Ir a dretg