La citad chinaisa da Wuhan n'annunzia per l'emprima giada dapi ch'il coronavirus ha cumenzà a furiar la fin dal 2019 naginas novas infecziuns.
Percunter è s'augmentà en la China il dumber da las persunas infectadas. Tut ils novs cas sajan dentant importads, pia persunas ch'èn arrivadas da l'exteriur en il pajais ed eran gia infectads. Per il pli sa tractia da Chinais che returnan en lur patria, damai ch'els quintan ch'il pir saja uss passà là. Perquai valian per quels ch'entran en il pajais mesiras rigurusas da quarantina. Malgrà che la China ha relativ paucas novas infecziuns, datti vinavant mintga di ulteriurs mortoris.