Las novas cifras dal ministeri da sanadad da Brasilia mussan: Il stadi federativ São Paulo dumbra entant dapli mortoris pervia dal coronavirus che l'entira China. Tenor questas datas ha il stadì il pli populà da la Brasilia cun 40 milliuns abitantas ed abitants, registrà fin uss 4'700 mortoris en connex cun il coronavirus.
En la China cun passa 1 milliarda abitantas ed abitants èn mortas 4'600 persunas. L'entira Brasilia noda fin uss 15'600 mortoris ed adina pli blers ospitals n'han nagins letgs intensivs libers pli. Cun quai è la Brasilia tenor las datas da l'universitad americana Johns-Hopkins anc sin il sisavel plaz tge che pertutga il dumber da mortoris. Tar il dumber d'infectads è la Brasilia actualmain sin il quart plaz avant l'Italia e la Spagna.
