Siglir tar il cuntegn

Header

cuntegn

Coronavirus Unda cun infecziuns omicron crescha er en Svizra

Adina dapli infecziuns da corona èn d'attribuir a la varianta omicron e quai era en Svizra. En il chantun da Genevra cuntegnian gia uss 11% da las provas la varianta omicron. Quai di l’epidemiologa Olivia Keiser en in’ intervista cun il «Tagesanzeiger». Quai mussian las cifras las pli actualas.

Augment marcant avant Nadal

Entaifer 2 enfin 3 dis sa dubleschia la cumpart dals cas cun omicron. Tenor perscrutaders dal Biocenter da Basilea è il ristg da s'infectar cun omicron bunamain trais giadas pli aut che tar la varianta delta. Il Cussegl federal quinta che las infeczius cun omicron vegnan anc a crescher marcant avant Nadal. La regla 2G ch’il Cussegl federal ha decis venderdi, saja be raschunaivla ensemen cun in obligatori da mascrinas FFP, uschia l’epidemiologa vinavant. Omicron han ins constatà l'emprima giada il november 2021 a Botsuana en l'Africa dal Sid.

RTR novitads 06:00

Artitgels legids il pli savens