Anteriurs cussegliaders da clients han purtà plant cunter la Credit Suisse tar la dretgira a San Francisco: A la banca vegn renfatschà ch'ella haja retegnì fin 300 milliuns dollars paja als cussegliaders.
Quai cura che la banca gronda ha terminà ils affars d'administraziun da facultad. La Credit Suisse era l'ura vegnida d'accord cun Wells Fargo ch'ils cussegliaders possian midar tar la banca dals Stadis Unids. A quels che sajan dentant sa decidids cunter l'offerta da midar tar la banca americana, haja la Credit Suisse retegnì daners. Cun l'argument ch'els haja bandunà la banca facultativamain, uschia ils accusaders. La Credit Suisse n'ha anc betg vulì prender posiziun tar las renfatschas.
RR novitads 20:00