Siglir tar il cuntegn

Header

la delegada speziala da l'UNHCR Angelina Jolie visitescha in center da fugitivs a Piraeus.
Legenda: Visita prominenta en in center da fugitivs a Piraeus - la delegada speziala da l'UNHCR Angelina Jolie quest'emna en Grezia. Keystone
cuntegn

Exteriur Crisa da fugitivs – ONU avertescha

L'ONU pretenda da l'UE e da la Tirchia da garantir era en l'avegnir il dretg fundamental sin asil. Quai duai era vegnir fatg cun realisar la cunvegna davart la crisa da fugitivs.

Alexis Tsipras en discurs cun Angelina Jolie.
Legenda: Inscunter da la regenza greca e l'UNHCR - Alexis Tsipras en discurs cun Angelina Jolie. Keystone

Avant che manar enavos fugitivs en la Tirchia saja d'examinar anc en la Grezia lur basegn da protecziun en consultaziuns individualas. Quai scriva l'ovra da fugitivs da las Naziuns Unidas UNHCR en sia posiziun davart la cunvegna tranter l'UE e la Tirchia.

Tenor Amnesty International saja il pact schizunt illegal. L'UE veglia manar il dies a la crisa da fugitivs mundiala ed ignoreschia cun intenziun las obligaziuns internaziunalas.

Quest’emna era l’actura Angelina Jolie sco delegada speziala da l’UNHCR en Grezia per s’infurmar sin il lieu da la crisa da fugitivs. Ella è stada en centers temporars cun migrants ed ha discutà cun il president da la regenza grecca, Alexis Tsipras.

RR novitads 15:00

sda/ij

Artitgels legì il pli savens

Nach links scrollen Nach rechts scrollen