Quai possia ir fitg svelt, sch’isolaziun enstagl da solidaritad dominescha, ha ditg Asselborn a l’agentura da novitads tudestga DPA.
Ils blers stadis da l’UE sajan conscients che l’agid per fugitivs saja necessari. Dentant dettia quai er stadis che na veglian betg respectar ils principis da l’UE; quai na sajan betg mo principis materials, ha ditg Asselborn. Uschia vegnia la fidanza dals burgais periclitada.
Cunvegna da Schengen è periclitada
Er l’uschenumnada cunvegna da Schengen, pia l’aboliziun da controllas da cunfin aifer l’Europa, è tenor Asselborn periclitada. Questa cunvegna era entrada en vigur il 1985 a Schengen en il Luxemburg. Actualmain fan 26 stadis europeics part a la cunvegna.
RR novitads 06:00