Il parsura da la partida liberala, Malcolm Turnbull n'ha apparentamain betg pli ina maioritad en l'atgna fracziun suenter che trais ministers èn sa retratgs.
Per damaun è planisada ina sesida extraordinaria da la fracziun. Sch'i dess lura ina votaziun da cumbat per il post dal schef da partida e regenza, na candidass Turnbull tenor atgnas indicaziuns betg pli. Turnbull ha 63 onns ed è dapi il 2015 primminister.
En l'Australia è il schef da la partida regenta tradiziunalmain era gist primminister. El na vegn betg elegì directamain dal pievel.
RR novitads 07:00