Siglir tar il cuntegn

Header

Bandieras dals Stadis Unids e da l'Egipta
Legenda: Stadis Unids crititgeschan agir da l’Egipta. Reuters
cuntegn

Exteriur Critica cunter paina da mort da Mursi

Ils Stadis Unids da l'America crititgeschan la sentenzia da mort cunter l'anteriur president egipzian Mohammed Mursi.

Tals process da massa na sajan betg cumpatibels cun il princip da stadi da dretg e cun las obligaziuns internaziunalas da l'Egipta ha communitgà il Ministeri da l'exteriur american. La regenza americana saja fitg preoccupada.

Sentenzia

Ina dretgira egipziana aveva sentenzià a la mort sonda Mohammed Mursi e 106 ulteriurs commembers da la confraternitad muslima, quai pervi d'avair mazzà policists. Plinavant duai Mursi avair conspirà l’entschatta dal 2011 cun la gruppaziun palestinaisa Hamas e cun la Hisbollah libanaisa per organisar ina gronda fugia ord praschun.

RR novitads 10:00

Artitgels legids il pli savens

Scrollar a sanestra Scrollar a dretga