Ins n'acceptia betg il plan da Trump, uschia Abbas tar in inscunter dal cussegl central. Ils Stadis Unids na possian betg pli surpigliar la rolla da mediatur ed il process da pasch dad Oslo saja mort.
Nossa citad eterna è Jerusalem e nus na vegnin betg ad acceptar d'enstagl far Abu Dis sco nossa chapitala.
Represchentants dals Stadis Unids hajan proponì il lieu en la periferia Abu Dis sco remplazzament per la citad da Jerusalem. Quai n'acceptia il president palestinais dentant betg.
Trump ha renconuschì l'entschatta da december Jerusalem sco chapitala da l'Israel. Quell'acziun è vegnida crititgada da bleras varts.
RR novitads 06:00
