Siglir tar il cuntegn
cuntegn

Exteriur Critica suenter l'audiziun dal schef da Facebook Mark Zuckerberg

Merk Zuckerberg ha stuì dar pled e fatg avant il parlament da l'Uniun europeica. Intgins parlamentaris èn però sa grittentads davart la furma da l'audiziun.

Mark Zuckerberg (dretg) ensemen cun il president dal parlament da l'UE Antonio Tajani.
Legenda: Mark Zuckerberg (dretg) ensemen cun il president dal parlament da l'UE Antonio Tajani. Keystone

Tenor ils critichers haja il president dal parlament da l'UE elegì ina metoda nua che Zuckerberg haja stuì respunder las dumondas pir a la fin da l'audiziun. Uschia haja lez pudì sviar a blersas e pudì dar respostas nunprecisas.

Zuckerberg ha stuì dar pled e fatg avant il parlament da l'UE pervi dal scandal da maldiever da datas. Er sch'ils parlamentaris han interrogà il schef da Facebook pli directamain ch'il congress dals Stadis Unids èn plirs parlamentaris da l'avis ch'el n'haja betg persvadì e n'haja betg respundì a tut las dumondas. Tenor els fissi stà meglier da far in sistem da pingpong enstagl da rimnar tut las dumondas e pir lura laschar respunder.

RR novitads 06:00