Uschia ha la partida naziunal-conservativa HDZ obtegnì 61 sezs en il parlament. La partida socialdemocratica SDP 54 e la partida conservativa Most 13 sezs. Il rest dals sezs èn ids a diversas partidas pitschnas ed als represchentants da las minoritads (Serbs, Talians ed Ungarais). Il parlament croat ha en tut 151 sezs. La majoritad en il parlament è tar 76 sezs. Sco pliras agenturas da novitads scrivan, pudess la nova partida Most esser decisiva tar la furmaziun da la regenza. Ins aveva spetgà in resultat piz a cup tranter la HDZ e la SDP.
Las elecziuns èn stadas necessarias perquai che la coaliziun da la regenza è dischunida. Mez zercladur aveva il parlament relaschà il primminiser Tichomir Oreschkovic. Quai suenter ch'el era mo tschintg mais en uffizi.
RR novitads 06:00