Tenor la Cumissiun da l’UE sajan ils 2 politichers stads perina ch'il cunfin exteriur da l'UE stoppia vegnir protegì meglier. Latiers stoppian las grevezzas dal moviment da fugitivs vegnir repartidas meglier sin ils stadis commembers.
17'000 fugitivs en paucs dis
Las autoritads croatas din che passa 17’000 fugitivs sajan vegnids en il pajais dapi la mesemna passada. La Croazia ha per gronda part serrà ses cunfins cun la Serbia, da la quala ils fugitivs entravan.
Demonstraziuns tranter Slovenia e Croazia
Al cunfin tranter la Slovenia e la Croazia ha la polizia slovena chatschà enavos plirs 100 fugitivs. Al post da cunfin Harmica avevan ils fugitivs demonstrà per pudair ir da la Croazia en la Slovenia. Cura ch'els han empruvà da surmuntar la lingia da la polizia, ha quella duvrà gas lacrimogen.
RR novitads 09:00