Siglir tar il cuntegn

Header

cuntegn

Crudada d'aviun Aviun ucranais era da viadi enavos a l'eroport

L'aviun ucranais ch'è crudà giu la mesemna en l'Iran ha apparentamain ars curt avant la disgrazia. Quai resorta d'in rapport da l'uffizi iranais per aviatica. Quel sa referescha sin perditgas giu sin terra ed en in auter aviun. Tut las 176 persunas a bord da la Boeing 737 èn mortas.

Empruvà da turnar

Tenor las pli novas indicaziuns da l'Iran haja l'eroplan empruvà da turnar a l'eroport pervi d'in «problem». Il mument da la crudada eria l'aviun gia sin via enavos, scriva l'organisaziun iranaisa da l'aviatica civila en in emprim rapport d'inquisiziun publitgà. La maschina saja svanida tuttenina dals radars – tar in'autezza da sgol da 2'400 meters e senza ch'il pilot haja rapportà da circumstanzas extraordinarias.

Ils registraturs da las datas da sgol sajan en possess dals investigaturs. Ils apparats sajan dentant donnegiads. Er experts ucranais vegnian involvids per examinar la raschun exacta per la disgrazia. Las autoritads da Teheran refusan dentant da surdar ils registraturs als Stadis Unids.

RTR novitads 10:00

Artitgels legids il pli savens

Ir a sanester Ir a dretg