Tar la crudada d'in aviun en il Nepal èn 23 persunas mortas. La maschina da propeller da la societad aviatica «Tara Air» è crudada giu en la muntogna en il center da Nepal. Quai rapporta la polizia.
Il vrac ars saja vegnì chattà vid in culm. Nagin haja survivì. Il motiv da la crudada n'è betg enconuschent. L'aura a la partenza ed a l'arrivada era buna ha communitgà l'airline privata.
Avant dus onns era in aviun crudà en il nordvest dal pajais. Lura eran tut las 15 persunas a bord mortas.
RR novitads 08:00/11:00
