Siglir tar il cuntegn

Header

cuntegn

Exteriur Crudada d'aviun en la Russia - nagins survivents

En il sid da la Russia è crudà giu ina Boeing 737 tar il sgol d'arriv en la citad Rostow. Tenor indicaziuns uffizialas èn mortas tut las 62 persunas a bord da l'aviun da la societad FlyDubai.

L'eroplan crudà giu en la Russia cun 62 morts n'è betg sa disgrazià enten sa platgar. Il pilot haja vulì rumper giu era la segunda emprova da sa platgar sin la plazza aviatica a Rostow. Quai rapporta l'emettur da televisiun «Rossija 24».

Il mument ch'el haja vulì sgular in'ulteriura runda saja capità insatgè che l'eroplan saja crudà giu, uschia ha rapportà il correspundent da l'emettur.

Era experts da la pagina d'internet «flightradar» èn vegnids ad ina sumeglianta conclusiun. La Boeing 737-800 era vid ascender cura ch'ella saja tuttenina crudada sco in crap dal tschiel.

FlyDubai è ina societad per sgols bunmartgads cun sedia a Dubai. Ella na tutga però betg tar la gronda societad aviatica Emirates.

RR novitads 06:00/14:00

Artitgels legids il pli savens