Exteriur - Cruz pulit cler avant Trump - e Clinton mo per pauc avant Sanders

1 / 6

Legenda: Victur en Iowa - Ted Cruz fa cun bunamain 28% il meglier resultat republican. Keystone

2 / 6

Legenda: Trumpada per Trump - il milliardari da New York è mo sin plazza 2 tar ils republicans. Keystone

3 / 6

Legenda: Marco Rubio è il numer 3 - il senatur da Florida fa 23% da las vuschs en Iowa. Keystone

4 / 6

Legenda: La victura democrata - Hillary Clinton è mo cnapp avant ses concurrent Sanders. Keystone

5 / 6

Legenda: Bernie Sanders (democrat) sin plazza 2 - il senatur da Vermont il glindesdi a Des Moines/ Iowa. Keystone

6 / 6

Legenda: Per Martin O'Malley è la cursa a fin - il democrat e guvernatur da Maryland dat si la cursa per il presidi. Keystone

Cun las preelecziuns en Iowa ha cumenzà l’onn dad elecziuns en ils Stadis Unids per dal bun.

Ted Cruz victur tar ils republicans

Il Texan Ted Cruz surpiglia cun 27,7% da las vuschs la testa avant ses concurrent pli grond, Donald Trump, che fa 24,3% da las vuschs. Tar Trump avevan ils commentaturs spetgà in meglier resultat. Sin plazza 3 è Marco Rubio cun stgars 23% da las vuschs – quai dentant cun in resultat surprendentamain bun, sco l'agentura da novitads sda scriva.

Hillary Clinton satigl tar ils democrats

L'anteriura ministra da l'exteriur, Hillary Clinton, gudogna la preelecziun. Cun 49,8% da las vuschs è Clinton dentant mo per 0,2% en avantatg sin ses concurrent Bernie Sanders, senatur dal stadi Vermont.

In ulteriur candidat dals democrats, Martin O'Malley, ha mo survegnì 0,6% da las vuschs ed è sa retratg. Commentaturs valiteschan il resultat sco in nausch signal per Hillary Clinton.

RR novitads 12:00