La sutascripziun dal document en la cità principala Abacha saja in pass impurtant per restituir ils raps, scriva il Departament federal d'affars exteriurs EDA.
Tut il process da restituir ils raps vegn surveglià da la banca mundiala. Uschia duai vegnir segirà, ch’ils milliuns rivan sco previs en programs socials per la populaziun da la Nigeria.
Il cumbat cunter la corrupziun è ina da las prioritads da la Svizra.
Avant la visita da Burkhalter en la Nigeria han averti pliras NGO’s da la Svizra e da la Nigeria, che raps gia restituids eran svanids. Perquai pretendan las organisaziuns in fonds spezial cun lur participaziun per survegliar, tge che succeda cun ils 321 milliuns dollars.
Sani Abacha ha guvernà la Nigeria dal 1993 fin il 1998. Avant in decenni ha la Svizra gia pajà enavos radund 720 milliuns dollars.
RR novitads 17:00