Cumbat cunter SIDA sto vegnir rinforzà

Per pudair eliminar la SIDA sco previs fin l'onn 2030, sto la cuminanza internaziunala rinforzar ses cumbat cunter questa malsogna, uschia il secretari general da l'ONU Ban Ki Moon.

Mintg'onn moran passa 1 milliun persunas pervia da SIDA. Bild in Lightbox öffnen.

Legenda da maletgs: Mintg'onn moran passa 1 milliun persunas pervia da SIDA. Keystone

La cuminanza internaziunala stoppia rinforzar ses cumbat cunter il sindrom d'immunitad defizienta acquistada (SIDA). Quai ha ditg il secretari general da l'ONU Ban Ki Moon a la conferenza mundiala dad Aids a Durban en l'Africa dal Sid. Be uschia saja pussaivel d’eliminar la SIDA fin l'onn 2030, ina da las finamiras da l'ONU.

37 milliuns han HIV

Passa la mesadad dals 37 milliuns che han HIV n'hajan anc adina nagin access a medicaments, ha ditg Ban. Mintg'onn moran passa 1 milliun persunas pervia da SIDA. E mintg'onn s'infecteschan 2,1 milliuns cun il virus da HIV.

RR novitads 14:00