Exteriur - Cumbat per citad siriana Tal Abjad ha cumenzà
En Siria duain cumbattants curds esser avanzads en la citad Tal Abjad che vegn controllada da la milissa Stadi Islamic, quai communitgescha il post d'observaziun sirian per ils dretgs umans.
La finamira dals curds saja da reconquistar la citad. Ina conferma independenta da questa annunzia na datti betg. Tal Abjad sa chatta radund 65 km en l'ost da la citad Kobane, medemamain en il territori da cunfin cun la Tirchia. La fin da schaner avevan ils curds reconquistà Kobane da la milissa SI.
