Legenda:
Plirs tozzels represchentants han envidà chandailas avant il parlament a Canberra.
Keystone
cuntegn
Exteriur - Cumbat per duas persunas australianas destinadas a la mort
Cun ina guardia d'admoniziun han represchentants dal parlament en l'Australia protestà cunter l'execuziun da dus cuntrabandists da drogas australians en l'Indonesia. Plirs tozzels represchentants han envidà chandailas avant il bajetg dal parlament a Canberra.
La ministra da l'exteriur Julie Bishop ha offrì en l'ultima minuta d'impedir l'execuziun cun in barat da praschuniers. Il president da l'Indonesia Joko Widodo ha fin ussa refusà tuttas dumondas da grazia. In termin per l'execuziun n'è anc betg enconuschent. Ils dus Australians èn dentant vegnids transferids da Bali sin in'insla nua ch'i vegn executà.
