Siglir tar il cuntegn
Inhalt

Exteriur Cumià da Helmut Kohl

Populaziun e politichers prendan cumià da l'anteriur chancelier tudestg Helmut Kohl che vegn suenter ina messa sepulì en il Dom da Speyer.

Il vaschè era cuvert cun ina bandiera da l'Europa.
Legenda: Il vaschè era cuvert cun ina bandiera da l'Europa. Keystone

La bara da Helmut Kohl è vegnida transportada da sia patria Ludwigshafen-Oggersheim a Strasbourg. En il bajetg dal parlament europeich a Jean-Claude Juncker, il schef da la cumissiun da l'Uniun europeica, numnà Kohl in patriot tudestg, dentant era in patriot europeic. E per la chanceliera tudestga Angela Merkel è Kohl stà in politicher ch'ha construì punts. Ed el saja stà in politicher mundial, avert envers ils carstgauns.

Sepultura

La sepultura ha cumenzà a las 11:00 en la sala Plenar. Numerus schefs da stadi e da regenza èn sa participads ed han undrà ses merits per l'Europa. La saira è Helmut Kohl vegnì sepulì suenter ina messa en il Dom da Speyer.

Helmut Kohl era mort avant duas emnas en la vegliadetgna dad 87 onns.

RR novitads 09:00