Cumissiun da l'UE refusa missiun da pasch en l'Ucraina

La cumissiun da l'Uniun europeica refusa ina missiun da pasch internaziunala en l'ost da l'Ucraina. L'emprim vulan ins sa concentrar sin realisar la cunvegna da Minsk.

Petro Poroschenko, il president da la Ucraina auza ils mauns durant ch'el discurra. Bild in Lightbox öffnen.

Legenda da maletgs: Il president ucranais, Petro Poroschenko haja preschentà intginas ideas, uschia la cumissiun da l'UE. Keystone

Il president ucranais, Petro Poroschenko haja bain preschentà intginas ideas, l'emprim veglian ins dentant sa concentrar sin realisar la cunvegna da Minsk, ha ditg il cumissari austriac da l'UE, Johannes Hahn.

Il minister da l'exteriur tudestg, Frank-Walter Steinmeier, aveva declerà la gievgia ch'ina missiun da pasch pretendia in armistizi stabil. Poroschenko aveva pretendì ina surveglianza internaziunala da l'armistizi en furma dad in'acziun da la polizia da l'UE.