Siglir tar il cuntegn

Header

munaida dad euro
Legenda: La cumissiun da l'UE haja disditg avant e durant la crisa da l'euro, renfatscha la curt dals quints da l'UE. Keystone
cuntegn

Exteriur Cumissiun europeica haja disditg avant e durant la crisa dal €

La cumissiun da l'UE n'haja betg mo survesì ils signals d'alarm da la crisa da finanzas mabain era disditg per dumagnar la crisa. Quai la renfatscha da la curt dals quints europeica.

La cumissiun da l'Uniun europeica avessia pudì vesair e vegnir la crisa. A questa conclusiun vegn la curt dals quints da l'Uniun Europeica en sia critica nunusitadamain clera.. Las renfatschas concretas pertutgan il management da la crisa da finanzas dal 2008.

  • La cumissiun n'haja betg percurschì ils problems finanzials d'intgins pajais - sco per exempel il Portugal u l'Irlanda, però era stadis che na fan betg part a l'uniun dal euro sco la Letonia, l'Ungaria e la Rumenia. Quai malgrà ch'ella avessia gì ils instruments necessaris.
  • La cumissiun haja tractà malgist ils pajais en miseria. Las cundiziuns per programs d'agid da l'UE na sajan betg stadas las medemas per ils differents stadis.
  • La cumissiun haja documentà manglusamain ils pajaments da milliardas.

Sin il cas il pli acut aifer l'Uniun Europeica - la Grezia - n'entra il rapport da la curt dals quints da l'UE betg. Per quest cas vegnia quai a dar investigaziuns extraordinarias.

La cumissiun da l'Uniun Europeica refusa per gronda part las renfatschas. Ella prendia dentant serius las recumandaziuns.

RR novitads 08:00

Artitgels legids il pli savens

Scrollar a sanestra Scrollar a dretga